ياصاحبي ياللي تفوق التواصيف
حبل الوصل في داخلك لا تشدّه
صاحبك صادق ما يحب السواليف
وماهوب ساكت لاحصل منك صدّه
ياصاحبي يابو الرموش المراهيـف
مثلك على عرش الحلا مستبدّه
اليا متى فيك المشاعر ملاهيف
واليا متى باقي من البعد مُده
واليا متى ودموع عيني مذاريف
واليا متى دمعي يبل المخدّه
يقول من بابك تجيني عواصيف
والناس قالت مثل هالباب سدّه
قلت الاوادم كل ابوهم ملاقيف
والعلم كانك تستحي منـه بدّه
يالعبنوا فنجال مايروي الكيف
راعيه غالي تستحي ماتردّه
امحق زمن والله وامحق مواليـف
بنيت لك مقدار و طيشك يهدّه
لكن لحظة كان مابه تكاليف
اللي خذيته داخل العوج ردّه
ليست هناك تعليقات:
إرسال تعليق