جيت المكان اللي بوسطه تربيت
بأطراف ذاك البيت بالفكر سجيت
قمت أنثر العبرة من الدمع هليت
ضيقة بصدري رافقت دمعة العين
تبقى بك الذكرى ولو رحت واقفيت
ابكي على الاطلال لو ما بقى شين
باقي بك أشياء ذكرتني وحنيت
ياكم ليلة عشت فيك وتهنيت
ياكم مضى لي بك من العسر واللين
يا بيت ياللي في خفوقي تعليت
اليوم باركانك تنام الثعابين
ليتني أعيد اللي مضى واسكنك ليت
لولا الظروف وقسوة الوقت هالحين
ما أنساك مهما غير اليوم سويت
مهما ملكت من الفلل والملايين
ليست هناك تعليقات:
إرسال تعليق