ششهد

‏​​‏​‏​​​​يا أهل التنكّت.. والغثا.. والشتيمه
بالجاهليّه شيء.. مفقودٍ اليوم ! 

بالجاهليه الرّجل.. ترفعه شيمه
بالجاهليه رجالهم سادة القوم !

بالجاهليّه.. الرّجل عضد لـ حريمه
بالجاهليّه.. نبح الكلاب مكتوم !!

بالجاهليّه لـ شايب البيت قيمه
بالجاهليّه ماسْمعوا حسّ لـ رخوم !

بالجاهليّه العرب.. أمّه عظيمه
بالجاهليّه.. هيبه وصيت وعلوم ! 

كانوا على قدّ الثقه والحشيمه
كانو أشاوس تدفع الشر وتروم !

أشنابهم دسمه بـ روح العزيمه
وكتوفهم متنٍّ على الثابت يدوم !

رجال.. ما فيها أمل للهزيمه !
قدّامها نصرٍ بالسيوف محتوم !

وإسلامنا.. سلّ السيوف القديمه
وحارب بها الكفّار.. وأطعمهم سموم 

إسلامنا.. حلّ الظلام.. وسديمه !
إسلامنا عزّ العروبه عن الشوم 

إسلامنا فخر العرب.. مستديمه 
يوم إنّ الإسلام الأصل.. ماهو التّوم !

دعسوا على روس الكلاب العديمه
الفرس والهندوس والهند والرّوم !

واليوم .. واقعنا مذلّه أليمه !
شاخوا علينا الحُمر.. وأنفاسنا تسوم

تفاخروا.. قدّامنا بـ الفهيمه !
وحنا عجزنا عن غضى الجمر لانقوم

ساقوا الحلال وإقدعوا وسط خيمه
وصرنا نقهوي عيالهم نفط ونصوم !

أيّامنا.. سوده وهشّه ووخيمه !
الطير يكفخ بالقفص عاجز يحوم !

لعب الورق.. شرب العرق والنميمه
أخذ الإبر.. حفر القبر.. كثرة النوم

أغضبنا الله.. والمطر شحّ غيمه !
نغرق بوسط الجهل وإسلامنا عوم ! 

حنّا الجهل والله.. وإحنا هديمه ! 
العيب فينا.. ولاهمّ دون هاللوم !