ششهد

آلتسسسسسسليك :

ماهو التسليك :

التسليكـ لغتاً: من سلك يسلك تسليكاً موب صاحياً.

اصطلاحاً:هو ان تعطي المتحدث جوه بالكامل يعني تمشيله وتحسسه انك مهتم ومتحمس لسالفته

وانت منتب يمه او دآإري انه تسذوب او سآإمج او...الخ

احكام التسليك :

فيه احكام لـ التسليكـ . . خلنا ناخذها بالترتيب

1- تسليكـ واجب [ هذا التسليكـ لما ابوك ولا امك قاعدين ينكتون وانت تضحك وتسلكلهم غصب . . حتى لو كآإنت النكته سامجه لكن واجب تضحك لان لو ماضحكت يعتبر من عقوق الوالدين  

2- تسليكـ مش ولآ بد[ مثلا لو خويك قاعد يتلاسن هو وواحد ثاني وجاء خويك وذب ذبه على اللي يلاسنه . . في ذا الوقت واجب انك تضحك حتى لو كانت الذبه سامجه وبايخه لآزم لانه خويكـ ]

3- تسليكـ مستحب [ هذا لما تقابل واحد من زمان ماشفته او تقابل واحد اول مره تشوفه او واحد توكـ متعرف عليه وقال لك نكته . . المستحب انكـ تسلكله حتى لو هي ماتضحك ]

4- تسليكـ فرض كفايه [ هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلكـ طالب واحد سقط التسليكـ عن الطلاب الباقين ]

5- تسليكـ حرآإم [ هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حرآإم لانه من الغيبه ]

متى تترك التسليك وتبدأ بالتزبيد :

يعني فيه شي يخليك تترك التسليك وتقعد تزبد لـ العالم . . مثلا واحد دايم يفقش عليك ويعطيك من الرخيص وانت تدري انه كذوب بس تسلكله . . عاد انت طفحت من كثر ما يكذب . . في هذي الحاله اتركـ التسليكـ

واقعد ازبدله وقله مع احترامي لك انت كذاب << بالله وين الاحترام فيه . . يعني هذا النوع ماينفعله الا التزبيد انت سلكله في البدآإيه بس اذا شفته زودها علطول ازبدله

فلسفة :

التسليكـ شي حلو ويجعل المجتمع مترابط اكثر واكثر ويعم بالسعاده على افراد المجتمع لأنك تعطي المتحدث جوه وهو يحبكـ لانه يحسبك متحمس مع سالفته . . وهذا الشي يجعل المجتمع يسود بين ارجآإئه المحبه والألفه . . انا شخصيا احب اللي يسلكلي بس مو مره يعني يسلكلي في وقت الازمآإت . . [ زي مره قلت نكته في فصلنا وماضحك منها الا وآإحده طبعا واضح انها تسلكلي بس اهم شي انها طلعتني من الاحرآإج . . وبصرآإحه حبيتها من بعد ذآإك اليوم ]

ما يستفاد :

1- لازم تسلكـ بس مو مره يعني على خفيف وقت اللزوم.

2- لاتنكت وآإجد ولاتسولف وآإجد لان بيجي اليوم اللي يزبدون لك الناس فيه وتورط.

3- يجب عليكـ التحلي بـ الاخلاق