ششهد

شفتك بعد غيبه .. وحاولت احاكيـك
مآهوب من قلبي ولا من جراته

بغيت اقول / فلان وازريت اناديك
وكني سمعت اسمي معا الالتفاته

فزيت من نومي وانا اقول لبيييك
وآثرك رويا .. في منامي وجاته

صفقت كف .. وقلت يا حلم وش فيك
جددت لي ( جرح )ٍ هنى في مباته

يا اللي شريت البعد .. ما غاب طاريك
حتى لو ان البعد .. سوى سواته

مآهوب محزني .. على حاجةٍ فيك
إلا إن قلبي شايف ٍ بك ( غناته )

كن الطيوف تقول وش حال غاليك
وآقول راح .. وما بقى الا غلاته

لو ان ما جاني من الهم ياتيك
كان المصلي ما حفظ وش صلاته

مريت درب(ن) .. وصادفتني آشبآهك
واللي قطع كبدي .. حلاتك حلاته

بغيت الخبط من دعاياه ,, وادعيك
واسمك وقف بين اللسـان ولهاته

وبغيت اجيب العيد وآقول : يرضيك
فاللي وصاتي له .. وضيّع وصاته

البعد شيّب خافق ٍ ميت فيك 
والى مشى خطوه عثر في عصاته

مشكلتي / إن قلبي يحبك ويغليك
ومشكلتك / انك شخص عايش حياته

كثر الجفا .. نار .. وحطبها تغليييك
خف الحطب .. لا تزيد نار الشماته

إن ما احزنك جرح ٍ بـ رجواه يدعيك
ما عاد تفرق .. عيشته من مماته

قلبي وعمري .. كلها بين اياديك
العمر فدوه .. لكن القلب هاته

وإن ما بغيت ترد قلبي ما اوصيك
احسن عزاه .. اللى دريت بوفاته